Virbereedungsmatch am Kader vun der Quali Euro2024 : Saarlouis - Lëtzebuerg 30-29
An engem spannenden an ausgeglachene Match verléieren eis Rout Léiwe knapp 30-29 zu Saarlouis.
Eis däitsch Noperen koume besser an de Match, a goungen mat 3-0 a Féierung, mee eis Jonge koumen zeréck, a konnte mat 6 op 9 a Féierung goen. Saarlouis konnt dëst Resultat dréinen a goung mat 15-13 an d'Kabinnen.
Och no der Paus konnte si sech op 5 Goaler ofsetzen. Ënnert dem Impuls vum Yann Hoffmann, eisem beschte Buteur, an dem Fynn Köller koumen d'Jongen op 1 Goal erun. De Matush Lallemang huet am Goal mat gudde Parade zu deem bäigedroen.
An der leschter Minutt huet de Matush eng immens Parad gemaach, mee leider ass de Ball Saarlouis an de Grapp gefall, déi du glécklech waren iwwert des knapp Victoire.
Ze erwänen ass, dass Felix Werdel, Loïc a Luke Kaysen e Méindeg eréischt bei d'Ekipp stoussen.
#handballassméi #ehfeuro2024 #HereToPlayheretoplay
