Lëtzebuerg verléiert och den zweete Match an Estland
20.01.2020
Eis rout Léiwe konnten an der éischter Halbzeit nach gutt mathalen. Mat engem Goal Réckstand ass et an d'Paus gaangen an et war nach eng kleng Hoffnung do. No der Paus ass et awer am Ugrëff net méi richteg gelaf, an och dem Tommy Wirtz (6) a Raphael Guden (4) hir Goaler sinn net duergaangen, fir eng um Enn dach zimmlech héich Néierlag ze verhënneren. Mat 20 op 31 verléiert eis Nationalequipe soumat och den zweete Match.
#handballéassméi #AxaLeague
